चमचे सगळे होऊनी गोळा
वाजवू लागले ढोल,
खोटेपणाने वागणाऱ्यांचा
सुरू जाहला झोल
लावालाव्या, कारस्थाने
हा तर यांचा खेळ जुना,
हुजरेगिरी करूनी यांनी हो
कामाला लाविला चुना
कष्टच यांना नको कराया
आळशी साले जन्माचे,
याचे...त्याचे चमचे बनूनी
केले वाटोळे सर्वांचे
बसून खाण्यासाठी हे तर
पाय चाटती वरिष्ठांचे,
नेत्यांची चापलूसी करती
जगणे यांचे लाचारीचे
स्वार्थापोटी, ईर्षेपोटी
इतरांचे केले नुकसान,
सहकाऱ्यांची वाट लावण्या
भरती वरिष्ठांचे हो कान
ज्याची चलती त्याचे चमचे
हे नाही कोणा एकाचे,
नवा गडी मग नवे राज्य हे
सूत्रच यांचे नेहमीचे...
✒ K. Satish
No comments:
Post a Comment