जीवनाचा ध्यास संगीत
या देहातील श्वास संगीत
पृथ्वीतलावर जाणवणार्या
स्वर्गसुखाचा आभास संगीत
भुकेल्याचा घास संगीत
तहानलेल्याची प्यास संगीत
भगवंताच्या भक्तांसाठी
ईश्वराचा सहवास संगीत
मराठमोळ्या मावळ्यांकरिता
छत्रपती शिवराय संगीत
मायेसाठी आसुसलेल्यांची
प्रेमळ अशी माय संगीत
सीमेवरील जवानांसाठी
देशाचा अभिमान संगीत
मातृभूमीच्या रक्षणाकरिता
शहीद होण्याचा सन्मान संगीत
लावण्यवतीला लाजवेल अशी
सौंदर्याची खाण संगीत
पृथ्वीतलावर आनंदाने
जगण्यासाठी वरदान संगीत
पृथ्वीला जर देह मानले
तर तिच्यातील प्राण संगीत
उच्च नीचचा भेद मिटवी
जगी श्रेष्ठ असे महान संगीत
जाता जाता एकच म्हणणे
आमुचा प्रत्येक श्वास संगीत
उरलेल्या ह्या आयुष्याला
उरला एकच ध्यास संगीत
✒ K. Satish
No comments:
Post a Comment