अनुभवांचे धन

खेळता खेळता झालो मोठे

घेऊ लागलो जीवनाचे धडे,

या धड्यांतून शिकता शिकता

उलगडले जीवनाचे कोडे

कोडे अवघड होते हे तर

पूर्वी कधीच माहित नव्हते,

वरवर दिसतसे सरळ परंतु

हे तर वेडेवाकडे होते

एक प्रश्न सोडवल्यानंतर

दुसरा त्वरीत समोर दिसे,

त्याला सोडवले नाही तर

तिसरा समोरच येऊन बसे

प्रश्नामागून प्रश्ने सुटली

पुढची प्रश्ने सोपी होती,

कारण उत्तरे पुढच्यांची

मागच्यांमध्येच दडली होती

कोडे जीवनाचे उलगडताना

झालो आम्ही अनुभवसंपन्न,

पुढच्या पिढीला देण्यासाठी

हेच खरे आमच्याकडील धन

                                            ✒ K. Satish