गणित चुकांचे

चूक झाली जर कागदावरती

खोडून फाडून टाकता येते,

आयुष्यातील चुकांनी मात्र

अवघे जीवन बदलूनी जाते

ना चुकेल तो माणूस कसला

कोणी नाही जो कधी ना फसला,

मूर्ख म्हणावे त्याला जो की

चुकांनाच कवटाळूनी बसला

आयुष्याचे गणितच हे की

चूक छोटी पण अनुभव मोठा,

ज्याने घेतला बोध चुकांतूनी

त्याला यशाचा पडे ना तोटा

अडखळला जो चुकांच्यामधे

बदल त्याने ना काही घडविला,

चुकांमधूनी जो सुधारला

प्रगतीपथावर धावत गेला

आयुष्यातील चुकाच देती

अनुभवाचे अनेक मोके,

अनुभवातूनी माणूस घडतो

गणित चुकांचे असे अनोखे

✒ K. Satish