काव्यनक्षत्रे

नक्षत्रांचा मळा तो फुलतो

काव्यमंचाच्या स्थानावर,

काव्यांच्या किती सरी बरसती

रसिकांच्या त्या कानावर

सामाजिक, वैचारिक काही

हास्याचे कुणी उडवी तुषार,

प्रेमकाव्य, विद्रोही कोणी

क्रांतीचे ते मांडी विचार

निरनिराळ्या प्रतिभा दिसती

दिसे इथे हरहुन्नरी मन,

भेदभाव ना इथे हो कसला

सर्वांकडे शब्दांचे धन

काव्यांची ही नक्षत्रे हो

समाजात किती मोलाची,

थोड्या शब्दांमधूनी मांडती

भूमिका किती ती खोलाची

मळा असा हा सदासर्वदा

नक्षत्रांचा फुलतच रहावा,

शब्दफुलांची होऊनी उधळण

आसमंत हा बहरत जावा

✒ K. Satish