निरागस भेट

पाहुणे आले घरात

आले छोटे छोटे बाळ

बाळासंगे जुळली आमची

सुंदररितीने नाळ

सुंदर होती कांती तिची अन्

सुंदर होते हसणे

निरागस त्या बाळाला

नव्हते माहित रूसणे

तहानभूक आम्ही हरलो

विसरुन गेलो धकाधकीला

खेळवून बाळाला

झाला हर्षानंद मनाला

परतून जाताना

बाळालाही रडू त्या आले

राहायचे होते अजून त्याला

असे वाटू लागले

भेट कधी होणार पुन्हा

मना लागली आस

आजचा दिवस आमच्यासाठी

बनून गेला खास

✒ K. Satish