खरी नाती - खरी दोस्ती

सशाच्या गतीने होता प्रगती

चिकटून बसती स्वार्थी नाती

मैत्रीच्या मुखवट्याखाली

दडून असते कपटी दोस्ती

खोटी वाहवा स्वार्थासाठी

वाईट घडण्याची प्रतिक्षा मोठी

ठेवून अंधारात तुम्हाला

बदनामी पसरवती खोटी

समाजातही अनेक नमुने

हेच हवे असते त्यांनाही

खोट्यालाही खरे मानूनी

तुम्हास दोषी म्हणूनी पाही

स्वभाव तुमचा सरळ अन् साधा

कपट तुम्हाला उमजत नाही

स्पष्ट सडेतोड भुमिकेमुळे

विरोधक तुम्हाला पाण्यात पाही

नियत असता स्वच्छ हो तुमची

रचते खेळी अशी नियती

घटना घडवती निरनिराळ्या

दूर जाती मग कपटी नाती

पुन्हा नव्याने कासवगतीने

प्रगतीपथावर पाऊल पडते

चांगले वाईट उमजूनी येते

आयुष्य तुम्हास असे घडवते

आनंदात होते आनंदी

दुःखात तुमच्या जे हिरमुसती

अशीच नाती मानावी आपुली

तिलाच मानावे खरी दोस्ती

✒️ K. Satish