पैशाशिवाय जरी हे
जग चालत नाही
तरी सन्मानाची तुलना
पैशाने होत नाही
कित्येक नादानांनी
पैशात तुलना केली
सदसद्विवेक बुद्धी
रसातळाला नेली
मोठ्या पदावर बसती
तरी थोडेही भान नाही
सन्मानाची तुलना
पैशाने होत नाही
अहंकार मोठा
पैशाचा माज खोटा
दुसऱ्याच्या जीवावरती
मोजती हे तर नोटा
रूबाब झाडण्याची
होते यांना घाई
सन्मानाची तुलना
पैशाने होत नाही
अकलेचे तारे हे तर
नित्य तोडतातं
समोरच्याला नेहमी हे
तुच्छ समजतातं
गुणांची कदर करण्याचे
भान यांना नाही
सन्मानाची तुलना
पैशाने होत नाही
जोवर पद आणि पैसा
तोवरच चाले माज
चित्र उद्या नसेल
जे चित्र आहे आज
चित्र पालटल्यावर
माज उतरून जाई
सन्मानाची तुलना
पैशाने होत नाही
✒️ K. Satish
%20Poetrymirror.com%20title%20images_85.jpg)
%20Poetrymirror.com%20title%20images_75.jpg)
No comments:
Post a Comment