अनुभव - सर्वश्रेष्ठ गुरू

संकटकाळी साथ सोडली

त्यांना दूर करावे

त्याही काळी सोबत राहिले

त्यांना नित्य जपावे

भरभराट असताना जो तो

मागे पुढे घुटमळतो 

गणित बिघडले थोडे तर मग

तोच तुम्हाला छळतो

बनावटी या दुनियेमध्ये

जिवलग असती थोडे

बाकी सगळे स्वार्थासाठी

मागे फिरणारे घोडे

त्या घोड्यांच्या गर्दीमधूनी

थोडे बाजूला जाऊन

सत्याची अनुभूती घ्यावी

एकांतामध्ये राहून

मृदू असावे हृदयामधूनी

दिसू कुणा न द्यावे

स्पष्ट बोलूनी कपटींना

स्थान त्यांचे दावावे

वाईट अनुभव येणे चांगले

अनिष्ट मुळीच नसते

भविष्यात येणारे संकट

त्यांच्यामुळेच तर फसते

✒️ K. Satish