नव्या दमाची नवी पिढी

नव्या दमाची नवी पिढी ही

झुकणे नाही ध्यानीमनी,

हुकूमशाहीने दाबू नका तिला

पाजेल तुम्हास ती पानी

अजूनही आहे वेळ हाताशी

देश हा त्यांचा आहे हो,

भेदभावाचे विष त्यांच्या मनी

पेरणे तुम्ही थांबवा हो

आशा झाल्या आज पल्लवित

पाहूनी हिम्मत तरुणाईची,

अशीच एकजूट अखंड ठेवूनी

रक्षा करावी लोकशाहीची

जनतेमध्ये फूट पाडणे

कठीण होऊन बसले हो,

पहिला विजय या तरूणाईचा

पाहून अंतर्मन हसले हो

हा तर तुमचा आरंभ आहे

इथून करूया नवी सुरूवात,

धडकी भरवू हुकूमशाहीला

भ्रष्ट व्यवस्थेवर करू आघात

✒️ K. Satish